أنا سبت الشغل ؟

مش عارف الصراحه أكتب ايه في مقدمة الفيديو دا , لكن أعتقد الموضوع مش محتاج مقدمه هو شارح نفسه

 ” أنا سبت الشغل “

أحب أعرفك بنفسي لو ما تعرفنيش :

أنا أحمد أبوزيد , مهندس مدني ( سابقاَ )
سبت الهندسه وتفرغت ليوتيوب وعلي قد ما الموضوع يبدو انه قرار عبيط الا اني تقريبا اخدت 10 شهور بفكر فيه قبل ما أسيب الشغل فعلياً.

أنا بحب القراءه ويمكن دي من الحاجات اللي ساعدتني كتير في اتخاذ القرار دا ….هقولك ازاي ؟
انا بحب اقرأ الروايات والقصص لأنها بتخليك تعيش أكتر من حياه ….(ايه ياعم الكلام دا .. انت مجنون والا ايه ؟ )

-استني بس هقولك

احنا بنعيش حياه واحده وتجربه واحده لكن الروايات بتخليك تختبر مواقف وتجارب تانيه كتييييييييييييييييير وبالتالي انت بتعيش اكتر من حياه واكتر من تجربه من خلال الروايات دي ,المهم انك المفروض بتستفيد من الروايات دي بخبره او بفكره معينه

-كويس اووووي

ومن أكتر الحاجات الل بحب أقراءها بردوا هي الـ ( Quotes ) أو المقولات ,لان دي بردوا خلاصه تجارب وخلاصة خلاصة حياه الاشخاص اللي بتقول المقولات دي .

الحاجتبن دول – الروايات والمقولات – تقريبا استنبطت منهم فكرة انك مش لازم تشتغل بشهادتك ومش لازم طول حياتك تشتغل حاجه واحده خاصة لو انت بتكره الحاجه دي وما تحطش رأي أو كلام الناس في اعتبارك لو انت مقتنع بالحاجه دي  .
وعلي هذا الاساس توكلت علي الله وأخدت الـ Risk وسبت الشغل

دي مقدمه بسيطه للفيديو دا ,  الفيديو دا  فيه الاسباب الفعليه  اللي خلتني أسيب الشغل في الهندسه واتجه الي يوتيوب :

عن Ahmed Abouzaid

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *