10 نصائح مهمه قبل شراء كاميرا إحترافيه DSLR ؟


نظراً للإقبال الكبير والغير مسبوق علي شراء الكاميرات الاحترافيه او البروفيشينال , كان لابد من عمل درس عن الامور المهمه التي يجب ان تأخذها في الاعتبار قبل الشراء . وبدون مقدمات طويله هيا بنا نبدأ.....

ملحوظه : اذا لم تكن من هواة القراءه فهذا الفيديو فيه ال10 نصائح المكتوبه أسفله :)


1-ميزانيتك كام


الكاميرات عامة يمكن تقسيمها الي 3 فئات سعريه وهي:

**Entery leverl أو المبتدئين ودي سعرها بيدأ من 2800 جنيه مصري  حتي 5500 جنيه تقريبا
ودي بيندرج تحتها كاميرات كتير زي canon 1200d و canon 550d وnikon d3100 وnikon d5300 .....الخ

**mid range المستوي المتوسط ودي سعرها بيبدأ من 6000 جنيه مصري حتي 1000 جنيه تقريبا
زي كاميرات canon 60d و canon 70d ....الخ

**High End أو Full Frame ودي سعرها بيوصل ل 25000 و 50000 جنيه مصري
زي canon 5d و nikon d810.....الخ

2-انت عايز تشتري الكاميرا ليه...!!


من المعروف بين المصورين ان كانون افضل في الفيديو ونيكون افضل في الصور , والكلام دا صحيح بشكل كبير ومن خلال واقع ان كتير جدا من Film makers بيستخدموا كاميرات كانون.
فأنت لو هتشتري كاميرا عشان الفيديو يبقي المناسب لك كانون
اما لو هتستخدم الكاميرا للتصوير الفوتوجرافي يبقي نيكون احسن

3-شوف اصحابك معاهم كاميرات نوعها ايه

مهم جدا لو ليك أصدقاء معاهم كاميرات , نشوف هما معاهم ايه نيكون والا كانون , وحاول تجيب نفس النوع او لأن دا هيفيدكم في تبادل العدسات اوال Lenses  و دا هيوفر عليك انك تشتري lenses :)

4-شوف جودة صور الكاميرا قبل ما تشتريها

في خدمه ممتازه بيقدمها موقع اسمه Pixelpeeper وهي انك تتفرج علي صور بكاميرات معينه وعدسات معينه انت اللي بتحددها وهي بيجبلك الصور دي بالجوده الكامله عشان تشوف فعلا الجودات وتقارن بينهم

5-قارن بين الكاميرات


خدمه تانيه ممتازه جدا جدا بيقدمها موقع snapsort  وهي انك تقارن بين اي كاميرتين في كل حاجه وتشوف تفاصيل التفاصيل في كل كاميرا وتشوف مميزاتها وعيوبها ودا بيساعدك كتير انك تحسم قرارك في اختيار الكاميرا المناسبه لك

6-اتفرج علي ريفيوهات ومراجعات للكاميرات

مهم جدا انك تتفرج علي ريفيوهات و مراجعات للكاميرات اللي انت بتفكر تشتريها , ومن خلال المراجعات دي بتعرف من خلال تجربه ناس محترفين مميزات وعيوب كل كاميرا وفيه قناتين مشهورين جدا في الريفيوهات دي
قناه أجنبيه : Digital Rev Tv
قناه عربيه : أبو ميلاد

7-إسأل مجرب

مهم جدا انك تستفيد من خبرات الناس اللي حواليك قدر الامكان , سوء كان مصور صاحبك او مصور مشهور ممكن تكلمه علي حسابه علي فيسبوك او حتي ممكن تتواصل مع جروب Cairo Photography Club وهو جروب فيه كتير من المصورين الهواه والمحترفين وانا شخصيا استفدت منهم كتير واسأل وهتلاقي 100 واحد يجاوبك

8-بلاش الkit lens 

انا شخصيا اشتريت كاميرا canon 700d + kit lense 18-55 وانا اشتريت الكاميرا عشان اصور بيها حلقات لليوتيوب , العدسه ممتازه وفيها image stablization وجودتها كويسه في التصوير في الDaylight او التصوير الخارجي . أما لما صورت indoors او داخل البيت كانت الجوده سيئه وفيها نغمشه و noise كتير ومحتاجه اضاءه كتير جدا , فروحت واشتريت عدسه 50mm ونتائجها كانت افضل بكتير.
فلو انت تصويرك كله صور بس فالفلاش هيظبط الدنيا , اما لو هتصور فيديو فرأيي انك تستثمر في عدسه كويسه للإضاءه المنخفضه

9-دور علي أرخص سعر

أسعار الكاميرات بتتغير علي طول ومهم جدا قبل ما تشتري انك تشوف الاسعار في اماكن كتير وتقارن بينهم وماتتسرعشي ودور كويس , ومثلا لما جيت اشتري الكاميرا بتاعتي كانت في راديوشاك ب6700 جنيه مصري في حين اني اشتريتها من مكان تاني ب4500جنيه ...فرق كبير.



10-خد حد بيفهم في الكاميرات وانت بشتري"مهمه جدا"

دي أخر نصيحه واهم نصيحه , لازم تشوف حد بيفهم في الكاميرات وانت بتشتري لانه هيستفسر عن الحاجات المهمه ويشوف حاجات زي shutter count و serial number بتاع الكاميرا , ولو مافيش حد يجي معاك يبقي لازم تبحث وتقرأ عن الحاجات المهمه اللي لازم تأخد بالك منها وانت بتشتري الكاميرا .
ولان فيه مشكله كبيره حصلت مع مصوره صحفيه وشركه كبير لبيع الكاميرات في مصر وكانت المشكله في كاميرا سعرها 1200 جنيه والكاميرا كانت مضروبه تقريبا ,فخد بالك خد بالك خد بالك كمان مره 

شارك الموضوع

إقرأ أيضًا